Киев мери ва собиқ боксчи Виталий Кличко укаси Владимирни британиялик Тайсон Фьюрига мағлуб бўлгани учун танқид қилди. Бу ҳақда 29 ноябрь, якшанба куни Украинанинг «Вести» нашри хабар берди.
«Володя на муносиб тайёргарликни, на техникани кўрсата олди. Кичик Кличко нима учун мағлуб бўлганини ўйлаб кўриши, шундан сўнг кейинги қадамларни ташлаши керак», — деди Виталий Кличко.
Тайсон Фьюри 29 ноябрга ўтар кечаси Кличкони мағлуб этиб, IBF, IBO, WBO ва WBA йўналишлари бўйича жаҳон чемпион совринларини қўлга киритди. Владимир Кличко бунгача охирги марта 2004 йил апрелида ютқазган эди.
Изоҳ (0)