Дания ҳарбий-ҳаво кучларининг F-16 қирувчи самолёти техник нуқсон сабабли Шимолий денгизга қулаб тушди. Бу ҳақда «ТАСС» хабар бермоқда.
Мамлакат мудофаа вазирлиги вакили полковник Андерс Рекснинг маълум қилишича, ҳодиса ўқув машғулотлари пайтида содир бўлган. Учувчи катапульта ёрдамида омон қолган ва қутқарув вертолёти томонидан бортга олинган. Унинг саломатлигига ҳеч нарса хавф солмаётгани айтилмоқда.
Қирувчи самолёт Шимолий денгиздаги Рёмё ороли ғарбида қулаб тушган ва қисман чўкиб кетган. Мамлакат қуролли кучлари вакиллари ҳодиса сабабларини ўрганмоқда.
Изоҳ (0)