Барселонанинг коррупцияга қарши органига спорт адвокатидан мактуб келиб тушди. Унда Испания ҳакамлар ассоциацияси Примеранинг 12-туридан ўрин олган «Реал» — «Барселона» ўйинини бошқаришга асосий номзод бўлиб турган ҳакамлар бригадасига босим ўтказишга урингани ҳақида ёзилган, деб хабар беради «Чемпионат».
21 ноябрь куни ўтказиладиган учрашув ҳакамлари кейинроқ расман эълон қилинади.
Мактубда айтилишича, сентябрь ойида Испания ҳакамлар ассоциацияси вакили ва «класико»нинг бош ҳаками бўлиши кутилаётган ҳакам ўртасида телефон суҳбати бўлиб ўтган. Унда ассоциация вакили Хосе Анхель Хименес де Моралес Муньос реферини «меҳмонларнинг ғалабага бўлган имкониятларини пасайтирган ҳолда, ўйинга таъсир кўрсатишга» чақирган.
Бу қўнғироқдан кейин бош ҳакам ўз ёрдамчиларидан бирига мурожаат қилган ва «унинг хатолари камроқ эътибор тортиши»ни айтган. Ёрдамчи ҳакам эса ўз навбатида адвокат билан боғланган.
Изоҳ (0)