StartupFactory.uz акселератори «Ўзбекистон Бизнес-форуми (III босқич)» лойиҳаси (Ўзбекистон Савдо-саноат палатаси ва БМТ Тараққиёт дастурининг биргаликдаги лойиҳаси) билан ҳамкорликда Idea Lab дастурини ишга туширади.
Idea Lab — стартапларга ривожланишнинг илк босқичида эксперт кўмагини бериш бўйича консультация дастури. 20 кун ичида ғоялар синовдан ўтказилади, лойиҳанинг заиф томонлари аниқланади, стартаплар ва Lean Startup методологияси ҳақида гапириб берилади, IT соҳасидаги шахсий бизнесни ишга тушириш учун нима қилиш кераклиги ва инвесторлар лойиҳаларни қандай баҳолаши тушунтирилади.
Лойиҳа ғоя босқичидаги IT-лойиҳаларига эга бўлган олий таълим муассасаларининг юқори курс талабалари ва ёш тадбиркорларга мўлжалланган. У 20 иш куни давомида кунига 2—3 соатдан ўтказилади.
Саралашда эътиборга олинадиган асосий мезонлар — ғоянинг Ўзбекистон бозорига мослиги, лойиҳанинг амалга оширилувчанлиги, тижорий таркиби (даромад олиш), лойиҳа асосчиларининг мақсадга эришишга интилувчанлиги.
Аризалар қуйидаги сайтда 10—30 октябрь кунлари қабул қилинади: http://idealab.startupfactory.uz/
Idea Lab дастурига қуйидагилар киради:
- Lean Startup
- Customer Development
- Business Model Canvas
- Юридик консультация
- Солиқ солиш бўйича консультациялар
- Бухгалтерия бўйича консультациялар.
Ариза беринг ва Idea Lab’нинг Facebook’даги саҳифасида саволлар беринг.
Idea Lab дастурига боғлиқ саволлар бўйича қуйидаги контактлар орқали лойиҳа раҳбари Елена Селезнёвага мурожаат қилинг: + 998 71 150 11 73, idealab@startupfactory.uz
Изоҳ (0)