Охирги маълумотларга қараганда, Туркиядаги террорчилик ҳаракати қурбонлари сони 95 кишига етди, деб хабар беради «Эхо Москви».
Бундан ташқари, 246 киши шифохонада бўлиб, улардан 48 нафари жонлантириш бўлимидадир. Ҳозирча Туркиядаги террорчилик гуруҳларидан ҳеч бири теракт учун жавобгарликни зиммасига олмади.
Эслатиб ўтамиз, 10 октябрь, шанба куни тонгда шаҳар марказидаги вокзал биноси яқинида битта ёки бир неча портлаш юз берди. Теракт юз берган вақтда вокзал олдидаги майдонга курд тузилмалари ва Туркия ҳукуматини ярашишга чақириш мақсадида ташкил этилган намойиш бўлаётган эди.
Ушбу теракт туфайли Туркияда уч кунлик мотам эълон қилинди.
Изоҳ (0)