Москва Киев томонидан қарзнинг қайтарилишига эришмоқчи, акс ҳолда, Россия Украинани судга беради. Бу ҳақда, «Корреспондент.net» хабарига кўра, Россия молия вазири Антон Силуанов маълум қилди.
Силуановнинг сўзларига кўра, агар Киев Россияга қарзини қайтармаса, бу Украина томони учун дефольт бўлади.
«Биз Украина жойлаштирган ва биз давлат маблағларини киритган еврооблигацияларни жойлаштириш тартиби шартларида ёзилганидек суд инстанцияларга мурожаат қиламиз», — деди Россия Молия вазирлиги раҳбари.
Куни кеча Украина 3 миллиард долларлик қарзни реструктуризация қилиш бўйича Россия билан яна келиша олмагани маълум бўлганди.