Brandbox Branding дизайн агентлиги ўзининг беш йиллигини нишонлади

Ўзбекистон ва Марказий Осиёнинг етакчи дизайн агентликларидан бири Brandbox Branding ўзининг беш йиллигини нишонлади. Бу йиллар давомида агентлик халқаро реклама бизнесида муносиб ўринга эга бўлди — у World Of AdAsia сайти томонидан тузиб бориладиган рейтингда 2014 йили Марказий Осиёнинг энг яхши беш агентлигидан бири деб топилди.

2010 йилда ташкил топган Brandbox Branding агентлиги бугунги кунда реклама саноатида ўз ўрнига эга. Бундан ташқари, агентлик ҳамкорларининг ишончи ва ҳурматига сазовор бўлган.

Агентликнинг асосий фаолияти — дизайн ва реклама соҳасидаги хизматлар. Brandbox Branding логотип ва фирма стилини яратиш, қадоқ ва ёрлиқлар дизайни, каталог, тақвим, йиллик ҳисоботлар дизайни ҳамда реклама кампанияларини яратиш каби хизматларни тақдим этади.

Бугунги кунгача компания ўз ихтисослиги бўйича 200 дан ортиқ лойиҳаларни муваффақиятли амалга оширган.

Uzcard, «Агробанк», «Korzinka.uz» супермаркетлар тармоғи, Bookcafe ва яна кўплаб компаниялар Brandbox Branding’нинг мижозларидир.

Brandbox Branding Red Jolbors Fest (Бишкек, Қирғизистон) реклама фестивали, Киев халқаро реклама фестивали ва AdStars (Сеулдаги халқаро реклама фестивали) лауреати ҳисобланади.

Агентлик базасида Ўзбекистондаги биринчи Реклама ва дизайн мактаби ташкил этилди. Мактаб мазмунга бой таълим дастури, экспертлар билан жонли мулоқот ва касбингизга максимал равишда шўнғиш имконини беради.

Реклама ҳуқуқи асосида