Словакия ғарбида, Чехия чегараси яқинида парашютчиларни олиб кетаётган икки спорт самолёти тўқнашиб кетди, деб хабар бермоқда «ТАСС».
Ҳодиса оқибатида камида етти киши ҳалок бўлди. Иккала самолёт ҳам тўқнашувдан кейин ерга қулаб, ёниб кетган. Гувоҳларнинг сўзларига кўра, парашютчилар қулаётган самолётлардан сакраб, ўз ҳаётини қутқаришга улгурган, бироқ бу маълумот расман тасдиқланмаган.
Шу билан бирга, қурбонлар сони анча ортиши мумкинлиги айтилган. Баъзи маълумотларга кўра, самолётлардан бирининг бортида 36 нафар парашютчи бўлган. Ҳодиса жойи атрофи ўраб олинган. Расмийлар ҳалокат юзасидан суриштирув бошлаган.