Қозоғистонда 2015 йилнинг 1 июль ҳолатига ҳар минг нафар аҳолига ўртача 229 та автомобиль тўғри келиши аниқланди, деб хабар беради «Tengrinews.kz» Россиянинг «Автостат» агентлиги ўтказган тадқиқот маълумотларига таяниб.
Таъкидлаш жоизки, Қозоғистон кўрсаткичи ҳар минг нафар аҳолига 284 та автомобиль тўғри келувчи Россия давлати кўрсаткичидан пастроқ ҳисобланади. Бироқ Украинада бу кўрсаткич 162 та автомобилга тўғри келади.
Шунга қарамасдан, МДҲ мамлакатлари кўрсаткичи ҳар минг нафар аҳолига ўртача 799 та автомобиль тўғри келувчи АҚШ ва Европа давлатлари кўрсаткичларидан анча ортда қолади.
Изоҳ (0)