Тошкент шаҳри марказида, Шаҳрисабз ва Истиқбол кўчалари чорраҳаси яқинида Matiz автомобили ағдарилиб кетди. Бу ҳақда Facebook’даги «Водители Ташкента» гуруҳида хабар берилган.
Гуруҳда келтирилган суратларда оқ рангли Matiz йўл ўртасида ўнг томони билан ағдарилиб ётгани, олд ойнаси синиб кетгани кўриниб туради. Гувоҳларнинг сўзларига кўра, автомобиль ичидаги йўловчиларга зарар етмаган, фақат улар ҳодисадан шок ҳолатида бўлган.
Эслатиб ўтамиз, аввалроқ Тошкентнинг Шаҳрисабз кўчасида Spark йўл ўртасидаги тўсиққа урилиб, олтита панжарани бузиб юборгани хабар берилган эди.
Изоҳ (0)