2006 йилда Тошкентда асос солинган «Аzia Mozaik» МЧЖ асосан гипсокартон листларини ишлаб чиқариш билан шуғулланади. Фирма 8 мм, 9,5 мм ва 12,5 мм қалинликдаги оддий ва намга чидамли гипсокартон листларини ишлаб чиқаради.
Гипсокартон бир пайтнинг ўзида иккита физик хусусиятга эга — эгилувчан ва мустаҳкам. Бу маълум технологиядан фойдаланиб гипсокартон листини исталган шаклга келтириш мумкинлигини англатади. Гипсокартондан деворлар ва шифтларнинг қайрилма деталларини ясаш мумкин. Шифт учун ишлатиладиган гипсокартоннинг қалинлиги 8 ва 9,5 миллиметр бўлади.
Кўпинча гипсокартон бино ичида алоҳида хона ҳосил қилиш учун ҳам ишлатилади. Листлар профиллардан йиғиладиган махсус каркасга қотирилади. Гипсокартондан ясалган хонанинг ички қисми шовқинни бостирадиган махсус материаллар билан тўлдирилади. Шундай қилиб, гипсокартон ёрдамида нафақат бинони хоналарга бўлиш, балки дам олиш ҳудудини кераксиз товушлардан тўсиш мумкин.
Ўз функциялари эвазига гипсокартон турар-жойлардаги шифт ва деворлар ишлари учун энг кўп ишлатиладиган материаллардан бири ҳисобланади. Материал билан ишлашдаги енгиллик, шунингдек гипснинг табиий хусусиятлари уни ёғоч уйдан тортиб ғишт коттежгача деярли исталган турдаги қурилишларда ишлатиш имконини беради. Ҳаттоки намлик даражаси юқори бўлган хоналарда — ҳаммом, бассейн ва бошқа жойларда ишлатиш мумкин бўлган намга чидамли материал мавжуд.
«Azia Gipsokarton» листлари иккала томонидан юқори сифатли махсус картон елимланган гипс плитаси бўлиб, ҳеч қандай ҳидга эга эмас ва инсон соғлиғи учун зарарли моддалар чиқармайди. Гипснинг ўзига хос хусусиятлари ишлаб чиқаришнинг экологик тоза йўллари билан такомиллаштирилади. гипсокартоннинг эгилувчанлигидан девор ва шифтлардаги мураккаб дизайнларни амалга оширишда фойдаланиш мумкин.
«Azia Gipsokarton» плиталари бино ичидаги микроиқлимни сақлашга ёрдам беради. Гипс ортиқча намликни ютиб, ҳаво қайтадан қуриганида эса уни қайтадан чиқариши мумкин. Шунингдек, гипсокартонлар овоз ўтказмаслик хусусиятига ҳам эга.
«Azia Gipsokarton» плиталарининг яна бир хусусияти ёнғин чиқишига қаршилик кўрсатишидир. Гипснинг тахминан 20 фоизи кристаллашган сувдан иборат бўлади. Шу тариқа, 15 миллиметр қалинликдаги плитанинг ҳар квадрат метрида уч литр сув бўлади. Ёнғин вақтида бу сув «ички ўт ўчиргич» вазифасини бажаради.
Майолика
Фирма ўз маҳсулотлари қаторини кенгайтириб, мозаика кафеллар ишлаб чиқаришни ҳам йўлга қўйган. Жумладан, фаввора, бассейн, душ, ошхона учун махсус майоликалар ишлаб чиқарилади.
«Azia Mozaik» МЧЖ билан қуйидаги воситалар ёрдамида боғланиш мумкин:
- Телефон: +998 (71) 215-29-29, (90) 357-38-85
- Вебсайт: aziagipsokarton.uz
- Электрон почта: aziamozaik@gmail.com
Изоҳ (0)