Айни пайтда 2015/2016 ўқув йили учун республика олий таълим муассасаларига қабул жараёнлари кетмоқда, деб ёзади «Xushnudbek.uz» блоги. Жорий йилда бакалаврлар тайёрлаш бўйича кундузги бўлимларга умумий қабул квотаси 57 907, шу жумладан, давлат грантлари бўйича 19 120 ва тўлов-контракт асосида 38 787 нафар миқдорида белгиланган.
ДТМ сайтидаги махсус саҳифада келтирилган маълумотларга кўра, 14 июль ҳолатига кўра, ҳужжат топширган абитуриентлар сони бутун республика бўйлаб, 305 392 нафарни ташкил қилмоқда.
Ҳозирча республика бўйича қуйидаги ОТМларга энг кўп ҳужжат топширилган:
Термиз давлат университетига 18 303 киши (квота — 1662 киши)Жиззах давлат педагогика институтига — 13773 киши (1615)Андижон давлат университетига — 12319 киши (1400)Қарши давлат университетига — 12138 киши (1280)Самарқанд давлат университетига — 11432 киши (1615)
Энг катта ўртача танлов эса, ҳар йилгидек Тошкент тиббиёт академияси Фарғона филиалига бўлиб турибди. Ҳозирча мазкур ОТМга ажратилган битта ўринга ўртача 15,6 киши даъвогарлик қилмоқда.
Айтиб ўтиш жоизки, ўтган йили ҳужжат топширган абитуриентлар сони бўйича рекорд натижа қайд этилган эди. Яъни 540 минг нафардан кўпроқ абитуриент талабалик бахтига мушарраф бўлиш учун ўз омадини синаб кўришга аҳд қилган эди. Бу бир ўрин учун ўртача 9,4 киши даъвогарлик қилган деганидир.
Изоҳ (0)