Виталий Денисов жамоаси Россия Суперкубоги учун ўтказилган учрашувда мағлуб бўлди

Санкт-Петербург шаҳридаги «Петровский» стадионида Россия Суперкубоги учун учрашув бўлиб ўтди. Унда Россия чемпиони «Зенит» мамлакат кубоги соҳиби «Локомотив»ни қабул қилди, деб хабар беради «Olamsport.com».

Ўйинда ҳисобни 27-дақиқада «темирйўлчилар» футболчиси Ниасс очди. 83-дақиқада Смольников мувозанатни тиклаб, «Зенит»ни муқаррар мағлубиятдан қутқариб қолди.

Қўшимча бўлимларда ҳам 1:1 ҳисоби сақланиб қолгач, жамоалар ўз омадларини пенальтилар сериясида синаб кўрди. Бу борада омад «Зенит»га кулиб боқди. «Локо» сардори Чорлуканинг нуқтадан адашиши ўзбекистонлик Виталий Денисовни жорий мавсумдаги илк совриндан маҳрум қилди.

Россия Суперкубоги—2015

Зенит – Локомотив — 1:1 (4:2 пенальтилар бўйича)

Голлар: Ниасс, 27 (0:1). Смольников, 83 (1:1).

«Зенит»: Лодигин, Кришито, Ломбертс, Нету, Смольников (Ансалди, 119), Юсупов (Рязанцев, 64), Хави Гарсия, Витсель, Шатов, Зюба (Рондон, 64), Халк.

«Локомотив»: Гильерме, Виталий Денисов, Чорлука, Пейчинович, Шишкин, Тарасов (Михалик, 91), Коломейцев, Касаев (Самедов, 76), Майкон (Григорев, 97), Миранчук, Ниасс.

Огоҳлантиришлар: Касаев, 43. Гилерме, 54. Тарасов, 75. Рондон, 90. Кришито, 93. Нету, 105. Коломейсев, 120.