Тожикистон НАТОнинг Афғонистонда тинчлик ва барқарорликни мустаҳкамлаш мақсадида минтақа мамлакатлари билан ҳамкорликни ривожлантиришга қаратилган ташаббусини қўллаб-қувватлайди. Бу ҳақда, «РИА Новости» хабарига кўра, НАТО Парламент ассамблеяси делегацияси билан учрашув вақтида Тожикистон президенти Эмомали Раҳмон маълум қилган.
Тожикистон президенти матбуот хизмати хабарига кўра, учрашув вақтида НАТО билан ҳамкорлик масалалари, жумладан, минтақавий хавфсизлик ва Тожикистоннинг тегишли тузилмаларини техник жиҳатдан қўллаб-қувватлаш масалалари муҳокама қилинган.
Афғонистон ва тожик-афғон чегарасида тинчлик ва барқарорликни мустаҳкамлашга кўмак бериш йўналишида ҳамкорлик қилиш масалаларига алоҳида эътибор қаратилган.
Мазкур ҳамкорлик «Тинчлик йўлида ҳамкорлик» дастури ҳамда Тожикистон ва НАТО ўртасидаги индивидуал шериклик ва ҳамкорлик режасига мувофиқ амалга оширилмоқда.
Изоҳ (0)