Елизавета II Шотландиядаги ер-мулкидан тушадиган даромаддан айрилади

Буюк Британия қироличаси Елизавета II Шотландия ҳудудидаги ер-мулкидан тушадиган даромаднинг бир қисмини олишдан тўхтайди, дея хабар бермоқда Meduza.

Шотландия ҳукумати қарорига кўра, мамлакатдаги қироллик оиласига тегишли ер ва кўчмас мулкдан олинган пуллар мамлакат ҳудудида сарфланади. Шотландия ҳар йили қироллик оиласига 2,2 миллион фунт — Елизавета IIнинг Шотландиядаги ер-мулкидан келадиган даромаднинг 15 фоизини йўналтирган.

Букингем саройидагилар маълум қилишича, Шотландия бундан кейин ҳам бюджетга солиқ ушланмаларини ўтказади, ундан эса ўз навбатида, қироллик оиласи таъминотига пул ажратилади.