КХДР ҳукумати Жанубий Кореядан Яқин Шарқ респиратор симптоми коронавируси тарқалишига йўл қўймаслик мақсадида иккала мамлакатнинг умумий Кэсон саноат ҳудудига киришга чеклов қўйишни сўради, деб хабар бермоқда «РИА Новости».
КХДРнинг арзон ишчи кучи ишлайдиган Жанубий Корея фабрикалари жойлашган технопарк ҳудудига Яқин Шарқдан келган ёки касалланганлар билан алоқада бўлганларни қўймаслик сўралган мактуб 10 июнь куни йўлланган.
Корея Республикаси Миллий бирлашув вазирлиги вакилининг сўзларига кўра, КХДР шунингдек MERS коронавируси тўғрисида материаллар тақдим этилишини ҳам сўраган. Ўз навбатида Жанубий Корея фақатгина у ерга кириб-чиқаётганларнинг ҳароратини ўлчаши ва карантинга жойлаштириши мумкинлигини маълум қилган.
Изоҳ (0)