Facebook компанияси секин ишлайдиган тармоқлар ва Android бошқарувидаги арзон смартфонлар учун махсус мобил дастур ишлаб чиқди. Бу ҳақда компания асосчиси ва бош директори Марк Цукерберг ўз саҳифасида маълум қилди.
Атиги 1 мегабайтлик ушбу Facebook Lite дастури 2G (EDGE ва GPRS) тармоқларида ҳам анча тез ишлайди. Унинг функциялари «катта» дастурнинг функцияларидан деярли фарқ қилмайди. Бироқ таъкидлаш жоиз, унда янгиликлар тасмасидаги хабарларни саралаб бўлмайди, уларни Facebook’нинг ўзи сиз учун саралайди.
Дастур фойдаланувчилар кўпинча интернетга уланиш бўйича муаммоларга дуч келадиган қатор мамлакатларда муомалага киритилиб бўлган. Цукерберг сўзларига кўра, янги дастур Осиё, Африка, Лотин Америкаси ва Европада очиқ синовдан ўтмоқда.
Facebook Lite ҳақида аввалроқ ҳам хабарлар тарқалган эди, бироқ эндиликда у расман тақдим этилди.
Изоҳ (0)