11 ёшли америкалик коллежни учта диплом билан тугатди

Америкалик Танишк Абраам Сакраментодаги American River College’ни 11 ёшида учта кичик мутахассис дипломи билан тугатди, деб хабар бермоқда «Газета.ru».

У математика, табиий фанлар ва хорижий тилни ўрганган. Абраамнинг Twitter’да ёзишича, «катта мақсад сари илк болалик қадамларини ташлагани учун» жуда мамнун бўлган.

The Los Angeles Times ёзишича, агар ҳаммаси режа бўйича борса, у доктор ва тадқиқотчи шифокор, Нобель мукофоти совриндори ва АҚШ президенти бўлмоқчи. Ҳозирда у бакалавр даражасини олишни режалаштиряпти.

2014 йилда Абраам ўрта мактабни тугатган энг ёш ўқувчи сифатида танилган эди. Ўшанда у АҚШ президенти Барак Обамадан табрик хати олган.