АҚШнинг ҳаракатлари тегишли вазиятларда Россияни ядровий қуроллари сонини кўпайтиришга мажбур қилиши мумкин, дея хабар бермоқда RBC.ru.
Хабар беришларича, бу ҳақда Россия Ташқи ишлар вазирлигининг қуролларнинг тарқатилишини олдини олиш ва назорат қилиш масалалари департаменти директори Михаил Улянов АҚШнинг ўрнатилган жанговар зарядлар сонини учдан бирига қисқартириш таклифини изоҳлаш вақтида маълум қилган.
Уляновнинг сўзларига кўра, АҚШ маъмуриятининг бундай таклиф билан чиқиши сабаби – кўрсаткичлар шу қадар пасайтирилса, улар ўзларини ҳам, иттифоқчиларини ҳам ҳимоя қила олишларини тушуниб туришибди.
«Биз эса бундай хулоса қила олмаймиз, чунки АҚШнинг ҳаракатлари натижасида бизга нисбатан мутлақо зид омиллар туғилмоқа, бу омиллар эса оқибатда бизни ядровий қурол захирамизни янада оширишга ундаши мумкин», - деди дипломат.
Аввалроқ Михаил Улянов АҚШ томонидан юритилаётган сиёсат ядровий қуролни қисқартириш ҳаракатига тўсиқ бўлишини айтган эди.
Изоҳ (0)