Россиянинг қишлоқ хўжалиги маҳсулотлари соҳасини тартибга солувчи федерал хизмати – «Росселхознадзор» Россия орқали Ўзбекистонга олиб кетилаётган 38 тоннадан зиёд парранда гўштини Украинага қайтариб юборди. Бу ҳақда UzDaily хабар бермоқда.
Маълум бўлишича, 28 апрель куни «Троебортное» кўп томонлама автомобиль ўтказиш пунктига Украинанинг «Агро-Овен» компанияси томонидан ишлаб чиқарилган парранда гўштининг икки партияси келиб тушган.
Умумий оғирлиги 38 тоннадан зиёд бўлган юк Ўзбекистондаги Baminda Lux компаниясига етказиб берилиши керак бўлган, унга Украина давлат ветеринария хизмати томонидан ветеринария гувоҳномаси берилган.
«Росселхознадзор» ходимлари томонидан ўтказилган текширув давомида парранда гўшти ортилган қутиларнинг баъзиларида маҳсулот ишлаб чиқарилган сана кўрсатилмагани, транспорт воситасининг ҳолати эса санитария талабларига зид эканлиги аниқланган.
Кўрсатилган сабаблардан келиб чиқиб, Россия томони юкни ортга, Украинага қайтариб юбориш ҳақида қарор қабул қилган.
Изоҳ (0)