АҚШнинг The National Interest нашри дунё тарихида барча даврлар бўйича энг қудратли бўлган еттита давлат рейтингини эълон қилди. Эътиборлиси, ушбу рўйхатдан Бобур империяси (Бобурийлар давлати) ҳам ўрин олган.
Еттинчи ўринда Рим империяси, олтинчи ўринда Рим таназзулига сабабчи бўлган кўчманчилар − хунлар, германлар ва викинглар давлатлари (яхлит бўлмаса-да), олтинчи ўринда мўғулларнинг Олтин Ўрда давлати кўрсатилган.
Тўртинчи ўринга лойиқ топилган Бобур империясига эса қуйидагича таъриф берилган: «Ҳукмдори Чингизхон авлодиданлиги айтилса-да, моголлар − мўғуллар эмас. Марказий Осиёдан келиб, Ҳиндистон субконтинентини эгаллаган ҳукмдор Бобур томонидан асос солинган ушбу давлат XVII−XVIII асрларда Европа ва Осиё ўртасидаги майдони бир миллион квадрат милга тенг бўлган ҳудудни эгаллаган. Унинг аҳолиси ҳозирги қудратли давлатларнинг исталган бириникидан кўп бўлган».
Учинчи ўринда Британия империяси, иккинчи ўринда АҚШ, биринчи ўринда эса Канада қайд этилган. Канада танланганига сабаб сифатида ушбу давлатда аҳолининг турмуш даражаси юқорилиги, НАТОга аъзолиги, энг йирик бозорлардан бири бўлмиш АҚШ билан чегарадошлиги ва энг асосийси келажак учун яхши имкониятларга эгалиги кўрсатилган.
Изоҳ (0)