20 март куни эрталаб Ер юзасидан қуёш тутилишини кўриш мумкин бўлади, дея хабар бермоқда Euronews.
Қисман қуёш тутилишини Европа, Яқин Шарқ, Шимолий Африка, Эрон шимоли, Марказий Осиёнинг шимолий қисми, Сибирь жануби, Мўғулистон, Хитой шимолида кузатиш мумкин. Тўлиқ қуёш тутилишини эса фақат Фарер ороллари ва Норвегиянинг Свальбард архипелаги аҳолиси кўриши мумкин.
Қуёш тутилиши баҳорда кечаси билан кундузи тенг бўладиган кунда, Қуёш ва Ой осмон экваторида кесишган пайтда юз беради.
Ой сояси шимолий Атлантикада бошланиб, Фарер ороллари ва Норвегия денгизидан ўтади, сўнг Шпицберген архипелаги орқали шимолий қутбга ўтиб кетади. Тўлиқ қуёш тутилишининг максимал давомийлиги 2 дақиқа-ю 47 сонияни ташкил этади. Максимал қуёш тутилиши нуқтаси Норвегия денгизида Исландиядан шарқда ва Фарердан шимолда жойлашган.
Ўзбекистонда қуёш тутилиши қисман кузатилади, унинг авжи эрталабки 10:07 га тўғри келади. Бундай ҳодисанинг кейингисини 2033 йилдагина кўриш мумкин бўлади.
Изоҳ (0)