Осиё чемпионлар лигаси гуруҳ босқичи доирасидаги «Ал Садд» ҳамда «Локомотив» жамоалари ўртасидаги учрашувда «темирйўлчилар» қатарлик рақибларининг босимига дош бера олишмади ва йирик 6:2 ҳисобида мағлубиятга учрашди, деб хабар бермоқда «Uff.uz».
Иброҳим Халфан аввалига 27-дақиқада пенальтидан ўз жамоасини олдинга олиб чиқди. Ҳасан Ҳайдос 34дақиқага келиб ҳисобни 2:0 кўринишига олиб келди. Нодир Белҳож 40 дақиқада Халфаннинг узатмасидан сўнг ҳисобни йирик 3:0 кўриниш олишини таъминлади.
Иккинчи бўлимнинг 50-дақиқасида яна учрашувда биринчи голни киритган Иброҳим Халфан ўз номини таблога ёзиб қўйишга муваффақ бўлди. Ниҳоят Кояшевич 56-дақиқада орадаги фарқни биттага қисқартиришга муваффақ бўлди, 4:1.
Абдулкарим Ҳассан 63 ва Графите 66-дақиқаларда тошкентликлар дарвозасига мос равишда 5 ва 6-голларни киритишди. Жасур Ҳасанов бўлса 77-дақиқада ҳакам томонидан белгиланган пенальтидан унумли фойдаланди. Шу тариқа учрашув Қатарнинг «Ал Садд» жамоаси ғалабаси билан якунланди.
ОЧЛ. “C” гуруҳи, 3-тур
«Ал Садд» − «Локомотив» 6:2 (3:0)
Голлар: Иброҳим Халфан 27, Ҳасан Ҳайдос 34, Нодир Белҳож 40, Иброҳим Халфан 50, Кояшевич 56, Аддулкарим Ҳассан 63, Графите 66, Жасур Ҳасанов 77
«Ал Садд»: Саад Шиб, Абдулкарим Ҳассан, Муҳаммад Касола, Мируки (Асадалла, 62), Иброҳим Халфан, Ҳасан Ал Ҳайдос, Талал Ал Блуши (Ёсир Яҳё, 83),Графите, Нодир Белҳож, Ли Жунг Су, Мусааб Хидир.
«Локомотив»: Маъмур Икромов, Шавкат Муллажонов (Дилшод Раҳматуллаев, 31), Ислом Тўхтахўжаев, Салим Мустафоев, НеманяЯничич, Олег Зотеев, Жасур Хасанов О (Жасур Ҳасанов Ж, 71), Тимур Кападзе, Санжар Шоаҳмедов, РусланКорян (Дамир Кояшевич, 46), Темурхўжа Абдуҳолиқов.
Изоҳ (0)