«Энг золим қайнона» номини қозонган актриса Гулчеҳра Иброҳимбекова: «Ҳаётда келинимга рисоладагидек қайнона бўлишга ҳаракат қиламан»

Ўзбекистонда хизмат кўрсатган артист Гулчеҳра Иброҳимбекова режиссёр Иброҳим Расуловнинг 2004 йил суратга олинган «Бегона баҳор» фильмидаги роли учун «Энг золим қайнона» номига сазовор бўлди, деб хабар беради «Даракчи» газетаси.

«‘Бегона баҳор’ фильмидаги қаҳрамоним фақат золим қайнона эмас. Унинг ҳам ўзига яраша орзу-ҳаваслари бор. Уни буткул айблаш нотўғри, – деди актриса. – Агар бу қайнона ич-ичидан ёмон, золим бўлганда эди, фильмнинг якунига бориб телба бўлиб қолмасди.

Ҳаётда айнан шундай қайнона-келинлар кам дейсизми? Фильмдаги муаммолар айни биз яшаб турган турмушимиздан олинган. Ўзим эса ҳаётда битта-ю битта ўғлимнинг ортидан уйимга нур ёғдириб келган келинимга рисоладагидек қайнона бўлишга ҳаракат қиламан. Ҳатто фильмдагидан фарқли ўлароқ, келинимнинг ўқишига бош-қош бўлдим».