Иккинчи жаҳон урушида қўлга киритилган ғалабанинг 70 йиллиги муносабати билан МДҲ мамлакатлари давлат чегаралари бўйлаб ўтадиган йирик эстафетага Мурманскда старт берилди, деб хабар бермоқда «РИА Новости».
Эстафета «Арктика чегарачиларига» ёдгорлигидан бошланиб, Мурманск ерларига йўл олган. 2-феврладан 9 февралгача Лиинахамар, Печенга, Никель, Ковдор ва Алакурттида бўлади. Кейин Мурманск ва Архангелск вилоятларидаги чегара ҳудудларидан, Россиянинг Арктика қирғоғи, Чукотка, Камчатка, Сахалин, Приморье, Хабаровск, Яҳудий мухтор вилояти, Амур, Забайкалье, Тива, Олтой орқали, кейин эса Қозоғистон, Қирғизистон, Тожикистон, Ўзбекистон, Туркманистон, Озарбайжон ҳудудларидан ўтади.
Яна бир йўналиш эса Беларуснинг Брест шаҳридан бошланиб, Белоруссия − Россия – Арманистон – Россия йўналишида давом этади. Ҳар иккала йўналиш 28 май куни Москва шаҳрида тантанали равишда якунига етиши режалаштирилган.
Изоҳ (0)