Ikkinchi jahon urushida qo‘lga kiritilgan g‘alabaning 70 yilligi munosabati bilan MDH mamlakatlari davlat chegaralari bo‘ylab o‘tadigan yirik estafetaga Murmanskda start berildi, deb xabar bermoqda “RIA Novosti”.
Estafeta “Arktika chegarachilariga” yodgorligidan boshlanib, Murmansk yerlariga yo‘l olgan. 2-fevrladan 9-fevralgacha Liinaxamar, Pechenga, Nikel, Kovdor va Alakurttida bo‘ladi. Keyin Murmansk va Arxangelsk viloyatlaridagi chegara hududlaridan, Rossiyaning Arktika qirg‘og‘i, Chukotka, Kamchatka, Saxalin, Primorye, Xabarovsk, Yahudiy muxtor viloyati, Amur, Zabaykalye, Tiva, Oltoy orqali, keyin esa Qozog‘iston, Qirg‘iziston, Tojikiston, O‘zbekiston, Turkmaniston, Ozarbayjon hududlaridan o‘tadi.
Yana bir yo‘nalish esa Belarusning Brest shahridan boshlanib, Belorussiya − Rossiya – Armaniston – Rossiya yo‘nalishida davom etadi. Har ikkala yo‘nalish 28-may kuni Moskva shahrida tantanali ravishda yakuniga yetishi rejalashtirilgan.
Izoh (0)