Бухоро вилоятида далада ўтлаб юрган эгасиз қорамолларни ўғирлаб сотишни йўлга қўйган жиноятчилар қўлга олинди, деб ёзади «Постда» газетаси.
Улар Бўзачи қишлоғида бир буқачани ўғирлаб, Вобкент туманидаги молбозорда бир миллион 500 минг сўмга пуллашди. Орадан олти кун ўтгач, «Навбаҳор» қишлоқ фуқаролар йиғини ҳудудидаги экин майдонидан яна бир қорамолни ўғирлаб, уни ҳам Вобкент туманидаги молбозорда сотиб юборишди.
Икковлонга қоровулнинг 19 ёшли жияни ҳам қўшилди. Улар навбатдаги «ов»ни «Бўзачи» қишлоқ фуқаролар йиғини ҳудудида амалга ошириб, бир бош ғунажинни ўғирлашди. Қорамолни автомашинага юклаб, молбозорга олиб боришганида уларни ички ишлар идоралари ходимлари кутиб олишди. Уларга суд томонидан тегишли жазо тайинланди.
Изоҳ (0)