Buxoro viloyatida dalada o‘tlab yurgan egasiz qoramollarni o‘g‘irlab sotishni yo‘lga qo‘ygan jinoyatchilar qo‘lga olindi, deb yozadi “Postda” gazetasi.
Ular Bo‘zachi qishlog‘ida bir buqachani o‘g‘irlab, Vobkent tumanidagi molbozorda bir million 500 ming so‘mga pullashdi. Oradan olti kun o‘tgach, “Navbahor” qishloq fuqarolar yig‘ini hududidagi ekin maydonidan yana bir qoramolni o‘g‘irlab, uni ham Vobkent tumanidagi molbozorda sotib yuborishdi.
Ikkovlonga qorovulning 19 yoshli jiyani ham qo‘shildi. Ular navbatdagi “ov”ni “Bo‘zachi” qishloq fuqarolar yig‘ini hududida amalga oshirib, bir bosh g‘unajinni o‘g‘irlashdi. Qoramolni avtomashinaga yuklab, molbozorga olib borishganida ularni ichki ishlar idoralari xodimlari kutib olishdi. Ularga sud tomonidan tegishli jazo tayinlandi.
Izoh (0)