Alibaba асосчиси бадавлатликда Марк Цукерберг ва Amazon бош директоридан ўзиб кетди

Alibaba Group асосчиси ва директорлар кенгаши раиси Жек Ма бадавлатликда Facebook яратувчиси Марк Цукерберг ва Amazon бош директори Жефф Безосдан ҳам ўзиб кетди, дея хабар бермоқда Bloomberg. Бу унинг корпорацияси молиявий бўлими 50 миллиард долларга баҳолангач, содир бўлди. Шу билан бирга, у Хитойнинг энг бадавлат кишиси номини ўзига қайтариб олди.

Bloomberg Billionaires Index’га мувофиқ, айни пайтда Манинг давлати 35 миллиард долларга етди ва у дунёдаги энг бой кишилар рейтингида 13-ўринни эгаллади. Шу тариқа, электрон тижорат бўйича энг йирик компания асосчиси Цукерберг (33,2 миллиард доллар) ва Безос (33,1 миллиард доллар)ни ортда қолдирди.