Актриса, «Оскар» мукофоти лауреати Женнифер Лоуренс АҚШда содир бўлаётган тўфонларни табиатнинг Америка президенти Дональд Трампга нисбатан жавоби дея атади. Бу ҳақда Associated Press агентлигига таяниб, «Газета.ru» хабар берди.
Актриса «Она!» фильмини тақдим этиш учун Буюк Британияга ташриф буюрган. АҚШда содир бўлаётган ўзгаришлар борасида берилган саволга «она табиат»нинг қаҳрини сезмасликнинг иложи йўқ дея жавоб берди.
Актрисанинг сўзлари ижтимоий тармоқларда муҳокамаларга сабаб бўлди. Баъзилар Лоуренс иштирокидаги фильмларга нисбатан бойкот эълон қилишга чақирди.
Актриса бундан олдин ҳам бир неча бор Трампни хушламаслигини билдирганди.