«AndroidWorld.nl» сайти Android операцион тизими остида ишловчи WhatsApp дастурининг янги версияси тасвирларини чоп этди. Бир қатор тасвирлардан янги WhatsApp’да овозли қўнғироқлар функцияси пайдо бўлишини кўриш мумкин, деб хабар бермоқда «Kun.uz».
Ушбу тасвир муаллифларининг таъкидлашларича, улар бу дастурни WhatsApp сайтидан кўчириб олганлар ва бу дастур Google Play дастурлар дўконида сотиб олиш мумкин бўлган WhatsApp дастурнинг эскироқ версиясидир. Хабарларга кўра, овозли қўнғироқлар функцияси алоҳида ойнага чиқарилган, фойдаланувчи қўнғироқ давомида бўлиб ўтган суҳбатни у тугагандан сўнг эшитиб кўриш имконига эга бўлади.
WhatsApp овозли қўнғироқлар функцияси пайдо бўлиши ҳақида компаниянинг бош директори Ян Кум октябр ойида эълон қилган эди. Бироқ, Кум бу функция баъзи техник муаммолар туфайли, бироз кечикиб, 2015 йилнинг баҳорида жорий қилинишини билдирган.
Изоҳ (0)