АҚШ лазер қуроли синови кутилганидан ортиқ натижа берганини эълон қилди

АҚШ ҳарбий денгиз флоти кемасига жойлаштирилган лазер қуроли синови кутилганидан ортиқ натижа берди. Бу ҳақда АҚШ Ҳарбий денгиз кучлари ҳарбий денгиз тадқиқотлари бошқармаси бошлиғи − адмирал Мэтью Кландер маълум қилди, деб хабар бермоқда «Gazeta.ru».

«Инсоният тарихида илк марта ушбу энергетик қурол тизими нимагадир ўрнатилди. Биз уни бошқа синовдан ўтказмаймиз. У ишлаяпти, Форс кўрфазидаги кемада турибди. Бу биз қандайдир алоҳида вазият учун асраб қўйган қурол эмас, у ҳар куни ишлатилади», − деди адмирал.

Эслатиб ўтамиз, Форс кўрфазида жойлашган Ponce туридаги десант транспорт кемасига ўрнатилган ҳарбий лазер қурилмаси жорий йилнинг тўрт ойи давомида синовдан ўтказилган.