AQSh harbiy dengiz floti kemasiga joylashtirilgan lazer quroli sinovi kutilganidan ortiq natija berdi. Bu haqda AQSh Harbiy dengiz kuchlari harbiy dengiz tadqiqotlari boshqarmasi boshlig‘i − admiral Metyu Klander ma’lum qildi, deb xabar bermoqda “Gazeta.ru”.
“Insoniyat tarixida ilk marta ushbu energetik qurol tizimi nimagadir o‘rnatildi. Biz uni boshqa sinovdan o‘tkazmaymiz. U ishlayapti, Fors ko‘rfazidagi kemada turibdi. Bu biz qandaydir alohida vaziyat uchun asrab qo‘ygan qurol emas, u har kuni ishlatiladi”, − dedi admiral.Eslatib o‘tamiz, Fors ko‘rfazida joylashgan Ponce turidagi desant transport kemasiga o‘rnatilgan harbiy lazer qurilmasi joriy yilning to‘rt oyi davomida sinovdan o‘tkazilgan.