Франция Ташқи ишлар вазири Лоран Фабиус Фаластин — Исроил можаросини тартибга солиш учун икки йиллик муддат ўрнатиш ғоясини илгари сурди. У музокаралар самарасиз якунланса, Франция Фаластин мустақиллигини тан олишини маълум қилди. Бу ҳақда Reuters’га таяниб «RBK.ru» хабар бермоқда.
«Агар муросага келиш борасидаги мазкур сўнгги уриниш ҳеч қандай натижа бермаса, Франция Фаластин давлатини кечиктирмай тан олиб, жавобгарликни ўз бўйнига олади», — деди вазир.
Эслатиб ўтамиз, Ғарбий Европа давлатлари ичида Фаластин мустақиллигини биринчи бўлиб Швеция тан олди. Мазкур қадам Фаластин мухторияти раҳбари Маҳмуд Аббоснинг мақтови, Исроилнинг танқиди ва АҚШнинг норозилигига сабаб бўлди. Кейинроқ Исроил Стокгольм расман Фаластинни давлат сифатида тан олишини эълон қилганидан сўнг, Швециядан ўз элчисини чақириб олди.
Изоҳ (0)