Тошкентда Ҳаяо Миязакининг олти мультфильми намойиш этилади

«Илҳом» театри фоесидаги IlkhomCinemaClub киноклуби ноябрь ойи дастури доирасида япониялик таниқли мултпликатор Ҳаяо Миязаки асарларини намойиш этади. Бу ҳақда Afisha.uz’га асосланиб Kun.uz хабар бермоқда.

24−29 ноябрь кунлари давомида «Илҳом» киноклубида Ҳаяо Миязакининг 1984−2008 йиллар оралиғида суратган олинган энг яхши олти фильми намойиш этилади. Улар орасида «Менинг қўшним Тоторо», «Малика Мононоке» ва «Sharpалар олиб кетган» кабилар бор.

Томошалар белгиланган кунларда соат 19:00да бошланади. Томошаларга кириш бепул, ким хоҳласа ўзи истаганича пул тўлаши мумкин.

Томошалар жадвали

24 ноябрь — «Шамоллар водийсидан келган Навсикая» / Kaze no tani no Naushika (1984, Ҳаяо Миязаки)25 ноябрь — «Менинг қўшним Тоторо» / Tonari no Totoro (1988, Ҳаяо Миязаки)26 ноябрь — «Порко Россо» / Kurenai no buta (1992, Ҳаяо Миязаки)27 ноябрь — «Малика Мононоке» / Mononoke-hime (1997, Ҳаяо Миязаки)28 ноябрь — «Шарпалар олиб кетган» / Sen to Chihiro no kamikakushi (2001, Ҳаяо Миязаки)29 ноябрь — «Қоядаги балиқча Поно» / Gake no ue no Ponyo (2008, Ҳаяо Миязаки)