Ўзбекистонда икки SIM-картали Sony Xperia М2 смартфони 800 000 сўмдан сотила бошланди

Тошкент шаҳридаги «Флешка» савдо мажмуасида янги Sony Xperia M2 Dual смартфони 800 000 сўмдан сотила бошланди. Бу ҳақда Mobinfo.uz маълумотига асосланиб «Пароль» нашри хабар берди.

Ушбу смартфонда 4,8 дюйм 960×540 пикселли дисплей, 1,2 ГГц частотага эга тўрт ядроли процессор, Adreno 305 видеокартаси, 1 Гб тезкор ва 8 Гб ички хотира (+MicroSD), 0,3 мегапикселли олд ва 8 мегапикселли орқа камера, 2300 мА·соат қувватга эга батарея, Bluetooth 4.0, Wi-Fi, NFC, FM-радио, Android 4.3 Jelly Bean операцион тизими ўрнатилган. У икки SIM-картада ишлайди ва унинг чиройли дизайндаги корпуси пластмасса ҳамда шишадан ишланган.

Шунингдек, «Пароль» нашрида қуйидаги мақолаларни ўқишингиз мумкин:

• Nokia компаниясининг расмий дистрибютори Ўзбекистонда акция бошлади;
• Ўтган бир ой ичида Android’нинг KitKat версиясидан фойдаланувчилар сони 5 фоизга ошди;
• HTC One (M8) ва One (M7) смартфонлари 90 кундан сўнг Android’нинг янги версиясига ўтиши мумкин.