«Ўзбектуризм» миллий компаниясида 2014 йилнинг 9 ойи давомида олиб борилган фаолиятга бағишланган мажлис бўлиб ўтди. Бу ҳақда МК расмий сайти хабар берди.
Унда таъкидланганидек, кичик бизнес ва хусусий тадбиркорликни рағбатлантириш бўйича олиб борилган тадбирлар натижасида сайёҳлик фаолияти субъектлари сони ошди: 2014 йилнинг январь—сентябрида 60 та юридик шахсга лицензиялар берилди.
Туризм соҳаси учун юқори малакали кадрларни тайёрлаш мақсадида 2014 йилнинг 9 ойи давомида «Ўзбектуризм» МК Республика илмий-ўқув марказида туризм соҳасининг 796 нафар мутахассислари қайта тайёрлаш ва малака ошириш курсларида ўқиди.
Бундан ташқари, мажлисда 2013—2015 йилларда Туризм соҳасини ривожлантириш минтақавий дастурларини амалга ошириш бўйича олиб борилган ишлар таҳлил қилинди ҳамда «Ўзбектуризм» МКнинг минтақавий бўлинмалари раҳбарлари ва вакилларига ушбу дастурлар мониторинги режасини ишлаб чиқиш юкланди.
Изоҳ (0)