Хитойда жазонинг оилй тури – ўлим жазосини назарда тутувчи моддалар миқдориқайта кўриб чиқилади, дея хабар бермоқда ТАСС.
Хитой пойтахтида очилган Бутунхитой халқ вакиллари кенгаши доимий қўмитаси 12-чақириқ 11-сессиясида бир қатор қонун лойиҳалари, қонунга тузатишлар киритиш, шу жумладан маъмурий суд ишларини юритиш қонунини қайта кўриб чиқиш ҳамда контрразведка тўғрисидаги қонун лойиҳасини илгари суриш масалалари муҳокама қилинади.
Синьхуа агентлиги хабарига кўра, Бутунхитой халқ вакиллари кенгаши доимий қўмитасида Жиноят кодексининг 9 та моддаси, жумладан: қурол-яроғ, ўқ-дори, ядро материаллари ва қалбаки пул контрабандаси; қалбаки пуллар ишлаб чиқариш, товламачилик йўли билан даромад олиш; фоҳишалик соҳасида жиноий бизнесни ташкил этиш ва унга мажбурлаш; ўз мажбуриятларини бажараётганларга қаршилик билдириш; ҳарбий даврда миш-мишлар тарқатиш кабиларни қайта кўриб чиқади.
Агар тузатишлар инобатга олинса, бу Жиноят кодексига 1979 йилдан буён киритилган иккинчи ўзгартириш бўлади. Аввал ўлим жазоси Жиноят кодексининг иқтисодий жиноятларга тегишли 13 моддаси бўйича бекор қилинган эди.
Бугунги кунда Хитой Жиноят кодексида ўлим жазосини кўзда тутувчи 55 та модда бор.
Изоҳ (0)