АҚШ давлат департаменти Эронда ўзини зўрламоқчи бўлган кишини ўлдирган қизнинг қатл этилишига қарши чиқди. Департаментнинг бу борадаги баёноти унинг расмий сайтида эълон қилинди.
Департамент суд жараёнининг адолатли ўтганига жиддий шубҳа билдириб, айбга иқрор бўлиш учун ҳам босим ўтказилган бўлиши мумкинлигини қайд этди.
Эслатиб ўтамиз, Эронда 25 октябрь куни 26 ёшли Рейҳане Жабборий исмли қиз, унинг адвокати таъкидлашича, ўзини зўрламоқчи бўлган кишини ўлдиргани учун олий жазо — осиш йўли билан қатл этилган.
Рейҳане қотилликни 2007 йилда, 19 ёшлигида амалга оширган. Шунча йил давомида у қамоқда сақланган.
Ислом республикаси қонунларига кўра, марҳумнинг оиласи афв эцагина қотилга нисбатан ўлим жазоси бекор қилиниши мумкин. Бироқ у афв этилмади.
Изоҳ (0)