Mashable нашри дунёнинг энг ингичка планшети — iPad Air 2’дан қалинроқ нарсалар кўрсатилган видеороликни тақдим этди. Бу ҳақда «Пароль» нашри хабар берди.
Видеода янги Apple планшетидан қалинроқ нарсалар сифатида уч бўлак Америка пишлоғи, тешик кулча, пица хамири, журнал, котлет, олтита CD диски, бўр, 59 та чоп этилган A4 вароғи, Нью-Йорк пицаси бўлаги ва бошқа нарсалар кўрсатилган.
Эслатиб ўтамиз, Apple iPad Air 2 планшети 6,1 мм қалинликка эга. Унда 9,7 дюймли дисплей, 64 битли, 3 миллиард транзисторга эга Apple A8X процессори, 1,2 мегапикселли олд ва 8 мегапикселли орқа камера ўрнатилган.
Шунингдек, iPad Air 2 билан iPad Air ва iPad 4 планшетлари таққосланган мақолани ушбу манбада ўқишингиз мумкин.
Изоҳ (0)