«Ўзбекэнерго» ДАК томонидан Ўзбекистон Республикасининг 2014 йилги Инвестиция дастурига мувофиқ равишда янги электр энергетика объектларини қуриш, ишлаб турган энергетика объектларини модернизациялаш ва реконструкциялашга доир инвестиция лойиҳалари амалга оширилмоқда. Бу ҳақда компания ахборот хизмати хабар берди.
Ҳозирда «Толимаржон ИEСини иккита 450 MВт кучланишга эга буғ-газ қурилмасини қуриш билан кенгайтириш» лойиҳаси бўйича умумқурилиш ишлари олиб борилмоқда. Кучли ускуналар учун пойдевор чуқури тайёрланди.
«Тошкент ИEСда 370 MВт қувватли буғ-газ қурилмасининг қурилиши» лойиҳаси бўйича газ турбиналари, газтурбинали генераторнинг ва ёрдамчи ускуналарнинг асосий қисмлари таъминловчи томонидан етказиб берилди. Жорий йилнинг октябрь ойида асосий буғ-газ қурилма ускуналарининг етказиб берилиши режалаштирилмоқда.
«Тахиатош ИEСда 230-250 MВт қувватли иккита буғ-газ қурилмасининг қурилиши» лойиҳаси бўйича маслаҳатчи (консултант) танлаш тендери ўтказилиб, тендер ғолиби билан музокаралар тугатилди.
«Ангрен ИEСда юқори кулчанли кўмирни ёқиш учун иссиқлик бериш билан ишлайдиган 130-150 MВт қувватли энергоблокни қуриш» лойиҳаси бўйича бош пудратчи томонидан 150 MВт эга генераторни, буғ турбинаси ва қозонни тайёрлашга ва етказиб беришга шартномалар тузилди. Ускуналарни 4-чоракда етказиб бериш режалаштирилган.
«Ангрен-Поп» темир йўл линияси қурилишида тортувчи кучга эга нимстанцияни ташқи электр энергияси билан таъминлаш» лойиҳаси доирасида электр кучини электр транспортига мослаб берадиган учта электр подстанциясига электр етказиб бериш билан таъминлаш кўзда тутилган бўлиб, ҳозирги вақтда 220 кВ ва 110 кВ ҲЛда қурилиш ишлари олиб борилмоқда.
0,4-6-10-35 кВли электр тармоқларини қайта қуриш ва янгилаш бўйича чора-тадбирларни амалга ошириш жараёнида умумий узунлиги 697,5 км юқори кучланиш линиялари қурилиб, 629 та комплект трансформатор нимстанциялар ўрнатилди.
Изоҳ (0)