Украина ғарбидаги Ужгород шаҳрининг «Говерла» футбол клубида тўп сураётган ўзбекистонлик ҳужумчи Максим Шацких Украина чемпионатида урган голлари сони бўйича мутлақ рекорд ўрнатди. Бу ҳақда «Сегодня» хабар бермоқда.
Украина чемпионати 8-тури доирасида Луганскнинг «Заря» клубига қарши кечган ўйинда Максим Шацких миллий чемпионатдаги ўзининг 124-голини киритди ва бу борада «Динамо» (Киев) клуби футболчиси Сергей Ребровдан ўзиб кетди.
Маълумот учун, «Заря» — «Говерла» учрашуви 4 октябрь куни бўлиб ўтиб, 2:1 ҳисобидаги «Заря» ғалабаси билан якунланди.
Изоҳ (0)