23 сентябрь ҳолатига кўра iPhone ва iPad’ларнинг деярли ярми iOS 8 тизимида ишламоқда

Бугунги кунда iOS операцион тизимида ишлайдиган мобил қурилмаларнинг 46 фоизи iOS'нинг 17 сентябрда фойдаланишга топширилган 8-версиясида ишламоқда. Бу ҳақда The Verge маълумотига асосланиб «Пароль» нашри хабар берди.

21 сентябрь куни MixPanel маълумотига асосланиб берилган хабарга кўра, Apple мобил қурилмаларининг деярли 30 фоизи янги iOS 8 версиясида ишлаётган эди. Умуман олганда Apple’нинг мобил қурилмалардан фойдаланувчилари жуда катта тезлик билан операцион тизимнинг янги версиясидан фойдаланишга ўтмоқда.

Таққослаш учун, Android операцион тизимининг сўнгги версияси – KitKat фойдаланишга топширилганига 10 ой бўлди. Аммо ҳозирда ундан тахминан 25 фоиз Android қурилмалари фойдаланмоқда.