Apple компанияси бугун, 9 сентябрь куни бўлиб ўтган тадбирида янги iPhone 6 гаджетларини тақдим этди. Бу ҳақда The Verge маълумотига асосланиб «Пароль» нашри хабар берди.
Аввал тахмин қилинганидек, янги iPhone’лар икки хил ўлчамли дисплейда ишлаб чиқарилади. Улардан бири 4,7 дюймли бўлиб, у iPhone 6 деб номланади. Иккинчиси эса 5,5 дюймли дисплейга эга ва у iPhone 6 Plus номини олди.
Иккала iPhone 6 ҳам шу пайтгача ишлаб чиқарилган iPhone’лардан катта дисплейга эга. iPhone 6 смартфонининг дисплейи 38 фоизга, iPhone 6 Plus планшетофонининг дисплейи эса 185 фоизга iPhone 5s’нинг дисплейидан катта.
Эслатиб ўтамиз, iPhone 5c номини тўғри топган манба iPhone 6 ва iPhone 6 Plus номларини олдиндан эълон қилган эди. Шунингдек, ҳали тақдим этилмаган iPhone 6 учун олдиндан навбатда туриш бошланган эди.
Изоҳ (0)