«Спорт» телеканали Равшан Эрматов бошқарадиган Россия — Озарбайжон учрашувини трансляция қилишни режалаштирмаяпти

Бугун Тошкент вақти билан 20:00 да Равшан Эрматов Россия ва Озарбайжон термалари ўртасидаги учрашувни бошқаради. «Спорт» каналидаги манбамизнинг маълум қилишича, ўйинни намойиш этиш режалаштирилмаяпти.

3—6 сентябрь кунлари яна бошқа қатор ўйинлар, жумладан, Германия — Аргентина, Англия — Норвегия, Марокаш — Қатар, Ирландия — Уммон, Бельгия — Австралия, Италия — Голландия, Франция — Испания, Япония — Уругвай, Бразилия — Колумбия учрашувлари бўлиб ўтади.

Манбамиз сўзларига кўра, баъзи ўйинлар ёзиб олиниб, эртаси куни кўрсатилиши мумкин.

«Спорт» канали 4 сентябрь куни Ўзбекистон — Иордания ва 8 сентябрь куни Ўзбекистон — Янги Зеландия ўртоқлик учрашувларини намойиш этади. Трансляциялар 19:00 да бошланади.