Stadion.uz сайтига таяниб, «Барселона» ва Аргентина терма жамоаси ҳужумчиси Лионель Месси ҳақида бир қанча қизиқарли маълумотларни эътиборингизга ҳавола этишга қарор қилдик.
1. Лионель Месси инқилобчи Эрнесто Че Гевара оиласида дунёга келган.
2. Мессининг катта буваси — Анжело Месси аслида италиялик бўлиб, 1883 йил Аргентинага кўчиб келган. Айнан ана шу жиҳатни сабаб қилиб, «Месси италиялик, у Италия термасида ўйнаши шарт!» деган фикрлар илгари сурилган, ҳатто бир сафар Леони Италия сафида тўп суришга ундашган. Лекин Мессининг биргина жавоби етарли бўлган: «Мен қаерда туғилдим? Қаерда улғайдим? Аргентинада. Мен учун бошқа ҳақиқат йўқ».
3. Отаси Хорхе Месси оддий ишчи бўлган, онаси Селия эса бўш вақтларида фаррошлик қилган. Мессидан ташқари оилада яна уч нафар фарзанд бўлган.
4. Футбол машғулотларини тез чарчаш туфайли ўтказиб юборса-да, Месси, барибир, мактабда энг фаоллардан бири эди. Унинг ўзи бу ҳақда шундай дейди: «Мен дарсларни қолдиришим мумкин эмасди. Борди-ю, бунга мажбур бўлсам, онам машғулотлардан олдин бироз ухлаб олишимни айтарди. У менга жуда ғамхўр эди».
5. Лионель Мессининг бўйи 169 сантиметр. Таъкидлаш керак, у болалигида жуда кичкина бўлган, шунинг учун бўйни ўстирадиган препаратлар қабул қилган. Агар у дори қабул қилмаганида, бўйи ҳозир 140 смни ташкил этган бўларди.
6. Месси 11 ёшга тўлганида кўзини даволатишга мажбур бўлади. Ўшанда у «Ривер Плейт» сафида ҳаракат қиларди. Аргентина жамоаси эса Леонинг даволаниши учун ҳар ойда 900 доллар тўлаб турган.
7. Пасха байрамларидан бирида каталониялик бир новвой Лионель Мессининг ҳайкалини яратди. Бор бўйи билан ясалган ҳайкалнинг оғирлиги 115 килограммни ташкил этди. Бу ўша пайтдаги Мессидан 50 килограмм оғирроқ эди.
8. Эътибор берганмисиз, Лео ҳар доим гол урганида осмонга тикилади. Бу ҳолатни ўзи шундай изоҳлайди: "Мен ҳар бир голимни бувимга бағишлайман. Чунки айнан у отамга мени футболга олиб киришни маслаҳат берганди. Афсуски, муваффақиятларимни кўра олмади. Менга ва оиламга берган ёрдами учун бувимдан бир умр миннатдорман».
Изоҳ (0)