Корея яриморолида АҚШ ва Корея Республикаси ҳарбий денгиз кучларининг ўқув ҳаракатлари бошланди. Бу ҳақда «Ренхап» агентлигига асосланиб, ИТАР-ТАСС хабар берди.
Жанубий Кореянинг Пусан ва Донхе портларига АҚШнинг George Washington атом авиаташувчи кемаси ҳамда Aegis ракетага қарши мудофаа тизими билан жиҳозланган Kidd эсминеци кириб келди.
Ҳарбий машғулотларда, шунингдек, Корея республикаси кемалари, авиация, қуруқлик қўшинлари ва денгиз пиёда аскарлари қатнашади.
Икки давлат ҳарбий денгиз кучларининг ўзаро ҳамкорлик даражасини кучайтириш мақсадида олиб борилаётган машғулотлар Сариқ ва Япон денгизларида 21 июлга қадар давом этади.
Машғулотлар тугагач, Жанубий Корея ва Япония ҳарбий денгиз кучларининг Чежу ороли жанубида ҳарбий ҳаракатлар олиб бориши режалаштирилмоқда.
Эслатиб ўтамиз, КХДР мазкур ҳарбий машғулотларга ўз қаршилигини билдирди ва ҳафта бошида Япон денгизига қарата 100 дан ортиқ ракета учирди.
Изоҳ (0)