Ўзбекистон халқ артисти Озодбек Назарбеков 5 июль, шанба куни Россиянинг Калининград шаҳридаги «Янтарний» спорт саройида концерт беради, дея хабар беради «Кун» Klops.ru маълумотига асосланиб.
Ҳозиргача концерт учун барча чипталар деярли сотиб бўлинган, одамлар Назарбеков концерти учун гуруҳ-гуруҳ бўлиб тушиш мақсадида чипталарни оммавий равишда сотиб олишган.
Ўзбекистон халқ артистининг Калининград шаҳридаги концерти учун чипталар спорт саройининг секторидаги жойларга қараб 1000 рубль (тахминан 30 доллар)дан 1,5 минг рубль (45 доллар)гача сотилган.
«Янтарний»даги концерт дастурида Озодбек Назарбеков билан бирга «Ўзбекнаво» халқ ижодиёти ансамбли, шунингдек, таниқли қизиқчи Шукрулло Исроилов ҳам чиқиш қилади.
Эслатиб ўтамиз, Озодбек Назарбеков 14 июнь куни Россия шаҳарлари бўйлаб гастрол сафарини бошлаган эди. Гастролни айнан 5 июль куни Калининграддаги концерт якунлаб беради.
Изоҳ (0)