Райҳон эгизак болакайлар иштирокидаги клипини тақдим этди
Жорий йилда оналик бахтига мушарраф бўлган хонанда Райҳоннинг фарзандларига атаб ёзган «Асалим мани» таронасига ишланган видеоклип тайёр ҳолга келди. Бу ҳақда Popcorn.uz хабар берди.
Анимацион жанрдаги клип айниқса, жажжи болалар учун маъқул келиб, ёш оналаримиз учун ҳам завқ бағишлайди. Болаликка хос беғубор тасвирлар юраги меҳрга тўла ҳар қандай инсонни бефарқ қолдирмайди.
Видеода эгизак болалар тасвирлангани ҳам бежизга эмас. Демак, Райҳон айнан ушбу қўшиқ ва клипга ўзгача меҳр билан ёндашиб, ҳаётидаги бахтли онларни муҳрлаган. Клипда анимацион суратларни Жавлон Турдихўжаев яратган.
Режиссёр Давлат Арабшаев эса компьютер графикаларидан моҳирона фойдаланиб, янги ижод намунасини яратди. Бу клип «Соғлом бола йили»да болажонлар учун ажойиб туҳфа бўлади. 3D эффекти ҳам қўлланилганини алоҳида таъкидлаш зарур.
Клипни мана бу ерда кўришингиз мумкин.
