Украина Ички ишлар вазирлиги мамлакатда, хусусан, Донецк, Харьков ва Луганск вилоятларидаги оммавий тартибсизликларга нисбатан қаттиққўллик билан муносабатда бўлишини маълум қилди. Бу ҳақда «РИА Новости» хабар қилмоқда.
Март ойининг бошида Украина ҳукумати мамлакатнинг шарқий ҳудудларида рус тилига алоҳида мақом берувчи қонунни бекор қилишга уринган ва кўпчилик губернаторларни алмаштирган эди. Ўшандан буён Донецк, Харьков ва Луганскда мамлакатни федерализация қилиш тарафдорлари ҳар дам олиш кунлари намойиш ўтказиб келишмоқда.
Аммо кейинги кунлардаги норозиликлар кучайиб бормоқда: намойишчилар бир неча кундан буён тарқалишмайапти. Шу сабабли, 9 апрель куни Украина ички ишлар вазири Арсен Аваков бу муаммоларни 48 соат ичида, музокаралар ўтказиш ёки куч ишлатиш йўли билан ҳал этишга ва’да берган.
«Бутун Украина ҳудуди бўйлаб, айниқса, вазиятни тартибга солиш ва айирмачиликни бартараф этиш бўйича махсус операциялар ўтказилаётган Донецк, Луганск ва Харьков вилоятларида барқарорликни онгли равишда бузиш, жамоат тартибини бузиш ва оммавий тартибсизликлар ҳолатларига нисбатан қаттиққўллик билан муносабатда бўлади», – дейилади мамлакат ИИВ хабарида.
Изоҳ (0)